صحيفة النادي الرياضي الصفاقسي

السلام عليكم يا معشر الصابرين ولكرة القدم الجميلة محبين وللنادي الصفاقسي على الدوام عاشقين

بعد سيرك نزار للأطفال (موجود في دار الشباب بطريق المطار بجنب وتيل دنيا )

+

السيرك الايطالي Splash Tour (موجود على ضفاف الكورنيش بوسط المدينة )

الحدث بصفاقس

= سيرك جديد يقدم عروضه أسبوعيا في مختلف ملاعب الجمهورية

=

Club Sportif Sfaxien

آخر عرض كان بالأمس على ملعب الطيب المهيري بصفاقس وندعي لربي أنو يكون الأخير

-----

ظاهرلي مبقالنا كان نطلبو مساعدة العرافين والعزامين فماشي ما يطير علينا هالنحس والقينيا إلي يلاحقو فينا

إعلاناتهم تملأ صفحات الجرائد التونسية
= نجربو مخسرنا شيء

شقولكم نتصلو بسي "عمار الورتاني" ؟
عندو CV تفجع

=

- عرّاف International + منجم Mondial (حسب كلامو)
- عضو بالإتحاد العالمي للفلكيين الروحانيين ( ظلم في حق العرب كان ميكونش مقر هالاتحاد Chez nous = ثقافة التفكير الدجلي اختصاصنا )
- يعالج بالقرآن + عندو شهائد عليا في Domaine + خبرتو طويلة في ألمانيا + كان سبّاق إلى عديد التكهنات التي أثبتت الأيام صحتها
- يزيل السحر + التابعة + نحْس الطالع ويجلب الحظ

زعمة موش سي "الحبيب العليبي" خير ؟

شدوا عندكم

=

صاحب أكبر مجمع روحاني في العالم + رئيس الرابطة العالمية للروحانيين الصالحين ( زميل ل"علي الحفصي" = كل واحد ورابطتو ولكنهم يشتركو الزوز في أنهم يدجّلو علينا )

هزيمة مرّة والأمرّ منها الطريقة التي ولينا نخسرو بيها

=

حتى طابعنا المميز افتقدناه باش منقولش فقدناه

يا حسرة على CSS كيف كانت تبني الهجمة من تالي

= يا ليت "العابدي" يعود يوما / فأخبره بما فعل "رويدُ"

يا حسرة على CSS كيف كانت تتّدرج بالكورة من الخط الخلفي لوسط الميدان للهجوم

= يا ليت "باب مليك" يعود يوما / فأخبره بما فعل "حسين جابرُ"

=

بقايا فريق

---

برشة ملاعبية ورغم فرص التدارك العديدة والمتعددة التي منحت لهم أثبتو مرة أخرى أنهم صغار على فريق في حجم النادي الصفاقسي

= بقطع النظر عن إمكانياتهم البدنية والفنية المتواضعة غير قادرين ذهنيا على مجاراة نسق جمعية تلعب على أكثر من واجهة داخل تونس وخارجها

مازالو مستوعبوش بعد فكرة أنهم يلعبو في نادي عريق باسمو وتاريخو وشعبيتو

أقصى طموحاتهم على كلام "سليم شيبوب" قعدة بين جماهير الفيراج أو الفرجة عالدخلة وفجأة يلقاو رواحهم بين عشية وضحاها أساسين في فريق ينافس عالألقاب

تراجع مردود "نابي صوما" عادي وطبيعي باعتبارو مرتبط بتراجع المجموعة ككل عبر ثنائية التأثير والتأثر

---

باش كل واحد ياخو حقو

النادي الإفريقي لم يسرق فوزه ومدربو "عبد الحق بن شيخة" كان عندو دور كبير فيه بحسن قراءته التكتيكية لأحداث المباراة وتعامله مع تطوراتها وخاصة سيناريو الدقائق الاولى ( مع شوية حظ بطبيعة الحال )

الإفريقي باعتبارو يلعب على لقب طال انتظاره كان تحت ضغط النتيجة أكثر من النادي الصفاقسي وكل لحظة تتعدى مالمقابلة كانت تدخل الشك عند طرف وتزيد الثقة عند الطرف الاخر

ذكاء هذا الممرن خلاه يحاربنا رياضيا بنفس السلاح إلي راهنا عليه لتحفيز ملاعبيتنا ( ما يسمى بالرجة النفسية)

طلب من ملاعبيتو المبادرة بالهجوم من بداية المباراة بطريقة فاجأتني شخصيا وخنقْ النادي صفاقسي في مناطقه الخلفية لين جات هفوة العادة من محور الدفاع = الهدف

نجح في استغلال الوضع النفسي إلي يمر بيه ملاعبية CSS نتيجة أزمة النتائج وإلي وصلت حد التشكيك + التشليك في امكانيات اللاعبين وحوله من دافع لتحقيق انتصار إلى محاولة تفادي هزيمة جديدة خاصة وأنو الجووار التونسي بطبيعتو هش نفسانيا

بعدها وخّر النادي الافريقي وقعد يلعب عالهجومات المعاكسة (تمريرات "السلامي" في العمق)

في الربع ساعة الأخيرة كانت النية واضحة من "عبد الحق بن شيخة" في المحافظة عالنتيجة النهائية وقد تجلى هذا الإختيار خاصة في إقحامه للغرزول للمساندة الدفاعية وقتُل المباراة

بعدها قعدت CA تجييري في الماتش إلى حد التصفيرة النهائية للحكم

في غياب التنشيط عالأروقة وانعدام الحلول في الوضعيات الهجومية مصنعناش الخطر طيلة 90 دقيقة وحتى أنصاف الفرص التي تحصلنا عليها كانت بسبب أخطاء تمركز مالمنافس أو محاولات فردية

= جملة تكتيكية وحدة مفماش

من حسن حظنا أنو منافسينا المباشرين عالبقاء في الرابطة المحترفة الأولى في منطقة تفادي النزول خسروا وإلا كنا اليوم في وضعية أسوأ من هذي وشبيهة بوضعية سابقة تعدينا بيها أيامات جيل "مراد الرنان" ومشتقاته خاصة مع حذف 2 نقاط من رصيدنا

لن أتحدث عن "خالد بن يحي" واختياراته التكتيكية والفنية إيمانا مني بأنه موش David Coperfield من جهة وإيمانا مني بمحدودية الرصيد البشري الموضوع تحت ذمته من جهة أخرى

-----

نداء لكل من يحب CSS بعيدا عن الأسماء + ...

دعوة ملحة للمساندة والحضور بكثافة يوم السبت القادم في مقابلة الدورالأول من كأس الإتحاد الإفريقي التي ستجمعنا بشبيبة بجاية الجزائري

فرصة باش نعبرو على تعلقنا بألوان فريق سبق وفرّحنا في هذه المرحلة الدقيقة والحسّاسة من تاريخ الجمعية

فرصة باش نثبتو أننا محبون حقيقيون في مشاعرنا موش مناسبتيون حسب الطقس

فرصة باش نأكدو وفاءنا لنادينا

---

بالروح و الدم نفديك CSS

La préparation pour le 3e tour du coupe de la caf se termine aujourd'hui par une dernière séance d'entrainement au stade de Haï el Habib à 16h00.

Le match sera joué à Dakar dans un stade où la nature du terrain est de la troisième génération du gazon synthétique.
Le départ est prévu demain matin de l’aéroport Sfax-Thyna à 9h00. Quant à l’arrivée, elle devrait avoir lieu après quatre heures et demie de vol.
Le staff technique a programmé deux séances d’entraînement à Dakar avant le match de samedi, la première devrait avoir lieu demain en fin d’après-midi et sera consacrée uniquement au décrassage et au réveil musculaire, et une deuxième séance qui sera effectuée sur le terrain désigné pour abriter ladite rencontre, elle aura lieu vendredi, à l’heure du match.

La préparation pour le 3e tour du coupe de la caf se termine aujourd'hui par une dernière séance d'entrainement au stade de Haï el Habib à 16h00.

Le match sera joué à Dakar dans un stade où la nature du terrain est de la troisième génération du gazon synthétique.
Le départ est prévu demain matin de l’aéroport Sfax-Thyna à 9h00. Quant à l’arrivée, elle devrait avoir lieu après quatre heures et demie de vol.
Le staff technique a programmé deux séances d’entraînement à Dakar avant le match de samedi, la première devrait avoir lieu demain en fin d’après-midi et sera consacrée uniquement au décrassage et au réveil musculaire, et une deuxième séance qui sera effectuée sur le terrain désigné pour abriter ladite rencontre, elle aura lieu vendredi, à l’heure du match.

Le CSS organise un voyage spécial à Dakar du 24 au 26 Avril. Le prix du voyage est1500 DT y compris le logement.
Pour plus d'information contacter : 22 210 455

عبد الكريم النفطي
«دربي» السعودية أفضل من «دربي» الترجي والإفريقي!
*-*-*-*-*-*-*-*-*-*-*-*-*-*-*




يا ايمن بالحق الحكاية هاذي؟؟؟
كانها بالحق فربما هو يدعونا لمشاهدة دربي السعودية
بالكشي يطلع خير؟! ملا حكاية
ان شاء الله تطلع الحكاية غالطة خاطر ما نتصورش كان دربي السعودية خير من دربينا


*-*-*-*-*-*-*-*-*-*-*-*

أهلا بوحمد الغالي تشبيك يا راجل وين كنت من أهل الكهف زعمة؟؟؟ تشبيك أحنا ما زال عندنا دربي كملنا من عام بطولة 94/95 كيف طاحت الرالوي مع الشوابي والقرنيط ماعودناش لعبنا معاهم.
وإلا تحكي على دربي العاصمة كان على هاك الدربي راهو دربيهم هم شنوا دخلنا فيهم أحنا ربي معاهم الزوز.

--------------------

سلام
يا ايمن بما انو عبد الكريم النفطي يتحدث على دربي السعودية و قال خير من دربي النادي الافريقي و الترجي اللي هو دربي تونس بالطبيعة خاطر ما فماش دربي خير منو هوني انا جاوبت كوني تونسي اولا ما جاوبتش كوني محب لجمعيتي الغالية الكحلة و البيضة

النادي الصفاقسي: غدا يطير الفريق الى داكار واللقـاء في السابعـة مساء

بعد راحة بيوم واحد (الاثنين) استأنف عشية أمس النادي الصفاقسي التمارين استعدادا للقاء الهام الذي سيجمعه يوم السبت القادم بفريق سان لوي السينغالي في نطاق الدور الثمن النهائي لكأس «الكاف» قبل الترشح لدور المجموعات وكما أشرنا سابقا فقد تمكن النادي الصفاقسي من تسويغ طائرة خاصة ستقلع من مطار صفاقس ـ طينة الدولي غدا الخميس ابتداء من الساعة التاسعة صباحا ليكون الوصول الى العاصمة السينغالية في نفس اليوم حوالي الساعة 14 و30دق بتوقيت تونس (منتصف النهار والنصف) بتوقيت السينغال.
بعد التأكد من أن مباراة السبت القادم التي ستجمع النادي الصفاقسي بفريق سان لوي ستدور فوق ملعب معشب اصطناعيا برمج المدرب خالد بن يحيى اليوم الاربعاء حصة تدريبية بملعب «حي الحبيب بصفاقس» المعشب هو الآخر اصطناعيا كما سيجري النادي الصفاقسي صبيحة اليوم حصة صباحية بملعب المهيري بصفاقس.
المقابلة في الساعة 19
وصول النادي الصفاقسي غدا الى العاصمة السينغالية داكار مبكرا سيمكّنه من أخذ نصيب من الراحة قبل التحول الى ملعب داكار لاجراء حصة خفيفة لازالة ارهاق السفر على أن يختم الفريق حصصه التمرينية بحصة تم برمجتها ليوم الجمعة القادم بالميدان الرئيسي لملعب داكار ابتداء من الساعة 19 وهو نفس التوقيت الذي ستنطلق فيه المباراة يوم السبت القادم وستكون العودة الى صفاقس مباشرة بعد انتهاء المباراة ليكون الوصول صبيحة يوم الأحد القادم.
المسدي يترأس الوفد
كالعادة سيترأس وفد النادي الصفاقسي الكاتب للعام الاستاذ عماد المسدي الذي سيكون مرفوقا ببعض المسؤولين يتقدمهم رئيس الجمعية صلاح الدين الزحاف وسامي الطرابلسي وعبد القادر الدو والمختار ناجي ورشاد الكراي ويتكون الاطار الفني من المدربين خالد بن يحيى ورياض الشرفي والبشير بن عامر وريتشارد أما الاطار الطبي فسيقوده الاستاذ محمد الحبيب العش بمساعدة المنذر خليفة وفاهد بن عمر وقد تم الاختيار على عاشور الهمامي كحافظ أثاث.
24 لاعبا في الموعد
تمت دعوة كل اللاعبين المؤهلين قانونيا للتحول غدا الى السينغال ما عدا طارق الزيادي وهؤلاء اللاعبين هم السعيدي والخلوفي والقلعي وبلاز وأبوكو وطفا ودومينيك وليساديسو وصوما وجابر والمشرقي وأيمن بن عمر والهمامي وكريم بن عمر وعباس والهلالي ومرابط والغربي والبرقاوي ويونس والقادري ورويد والبنوني والبوزيدي.